Познатата канадска актерка Ким Катрал ја одби улогата во продолжението на популарната серија „Сексот и градот“, сепак, тоа не е поради расправија со Сара Џесика Паркер, како што првично се шпекулираше.

Според странските медиуми, на Ким и било понудено да се врати во серијата и покрај се.

„Со оглед на тоа што наскоро ќе има втора сезона, вратата е отворена за Ким Катрал, се разбира, доколку ја сака нејзината улога како Саманта Џонс“, вели добро информиран извор.

„Очигледно во продукцијата постоеше страв дека обожавателите на серијата “Сексот и градот” повеќе нема да ја гледаат серијата со иста возбуда, бидејќи ќе им недостасува Саманта. Очигледно е дека многу обожаватели на серијата ја сакаат да се врати. Ако нејзиниот менаџер би контактирал со нас сега, таа веднаш би го резервирала својот прв лет за Њујорк“, рекол извор од продукцијата.

Иако првично се шпекулираше дека актерката ја одбила улогата во серијата поради расправија со Сара Џесика Паркер, тие двајца го негирале тоа.

Наводно, причината е што Ким не била задоволна од сценариото и улогата што и била доделена.

Според странските медиуми, сценаристите ја замолиле да има експлицитни сцени со синот на Миранда Хобс во серијата, која ја игра Синтија Никсон.

Според сценариото, 14-годишниот Бред треба да биде фатен за време на мастурбација, а потоа да испрати експлицитни фотографии на Саманта, што таа одбила.