Принцезата Шарлин од Монако беше наречена најтажната на светот, а по враќањето на дворот по неколку месеци откриено е дека причината не се психички проблеми туку епилепсија.
Здравјето на принцезата е предмет на бројни шпекулации и претпоставки во последните месеци, а нејзиниот кревок изглед предизвика голема загриженост.
Многумина беа убедени дека исклучиво психолошки проблеми се причина за нејзиното повлекување, а официјално беше потврдено дека Шарлин поминала четири месеци во психијатриска установа.
Сепак, извор за странските медиуми потврдил дека и била дијагностицирана епилепсија минатото лето, додека била во родната Јужна Африка, каде била оперирана од синусите.
Тие наведуваат и дека дијагнозата била многу стресна за принцезата, а неколку недели подоцна таа ненадејно се онесвестила, па итно била префрлена во болницата во градот Дурбан, каде и била прегледана и дијагностицирана.
"По таа операција, принцезата мораше строго да мирува. Но, таа не го послуша советот на лекарот и доби тешка инфекција придружена со висока температура. А тоа беше поттик за епилептичен напад", пишуваат странските медиуми.
Тие изјавија и дека дијагнозата и била особено тешка бидејќи цел живот ќе мора да зема лекови за да ја контролира болеста.
Фото: POOL MONACO