Американската манекенка и модна инфлуенсерка Оливија Кулпо доживеала вистинска непријатност кога се качила на авион на Американ Ерлајнс.

Кулпо била на аеродромот, на пат за Мексико, а вработена во споменатата авиокомпанија и кажала дека нејзината комбинација на облека – не е во согласност со кодексот на облекување на компанијата.

Набргу по овој настан, нејзината сестра Аурора се огласи на својот Инстаграм профил и бурно реагираше и го кажа своето мислење за целиот настан.

„Погледнете ја нејзината облека. Изгледа слатко, изгледа соодветно, нели? И велат дека мора да облече блуза, инаку не може да се качи во авионот. Кажете ми дека не е толку лошо“ рече таа.