За себе вели дека е пејач, а не јутјубер, како што го доживувала јавноста. А снима, беше дел и од Ѕвездите на Гранд и пее, не дека не. Тој е Марио Арангеловски – наше дете, кумановче, кој беше дел од Гранд и тимот на Карлеуша. За пејачката има само пофални зборови и открива дека надвор од сцената таа е многу поинаква и, пред се, мајчински настроена кон сите свои кандидати.

– Луѓето малку повеќе ме доживуваат како јутјубер отколку како пејач, што мене малку ми пречи. Но мислам дека ќе почнат луѓето да ме гледаат поинаку, вели Марио, кој патем има нова песна. Истата ја промовираше во родниот град, далеку од очите на јавноста и без медиумите. Вели имало локални, а тој пратил допис. Е ама изумил дека за малку повеќе врева и излегување од јутјуб рамките треба да се „напаѓа“ глобално.