Италијанската сензација, бендот Манескин синоќа успешно настапи во популарното „The Tonight Show“ на Џими Фалон. Тоа беше нивното прво појавување на американската телевизија, а ја отпеаја песната „Beggin“ и најновиот сингл „MAMMAMIA“.
Тие на социјалните мрежи објавија и неколку фотографии од настапот на кои позираат сами, но и со водителот.
Настапија како што доликува на нивната репутација, во тесни кожни костуми со светки.
Фалон откри за време на шоуто дека бендот ќе свири заедно со Ролинг Стоунс на концертот на 6 ноември во Лас Вегас. Така Дамијано Дејвид, Викторија Де Анџелис, Томас Раџи и Итан Торчио ќе настапат покрај Мик Џегер и другите на стадионот Алегиант.
