Ако веќе го слушнавте последниот хит на Влатко Лозаноски – Лозано, тогаш сигурно знаете за неговата соработка со детскиот серијал „Дајте музика“. Песната „Другар“ е веќе хит на радиостаниците и на Јутуб, а станува збор за весела разиграна и забавна тема.
Во година на пандемија, во време кога сите деца посетуваат он-лајн настава, детскиот серијал „Дајте музика“ им влеа надеж на сите деца за подобра иднина, а песната „Другар“ нe потсети на едно безгрижно детство полно со авантури и забава.
Лозано одлично се вклопи во концептот на „Дајте музика„ за една нова модерна генерација на детски идоли кои ги почитуваат вистинските вредности: добро однесување, здрави навики, искреност, одговорност, вистинско другарство и емпатија. Како и за претходните песни на Лозано, така и на оваа како автори се потпишуваат, тандемот Лазар и Ена Цветковски.
https://www.youtube.com/watch?v=3vX3HZ-2lx0