Филмот „Тома“ на режисерот Драган Бјелогрлиќ ја воодушеви публиката на овие простори, за што сведочи големиот интерес во кината. Остварувањето за пејачот и боем, чија музика одбележа една епоха и субкултура, досега го гледаа повеќе од 600.000 луѓе, а таа бројка расте од ден на ден.
Она што е познато е дека ќе имаме можност да ја гледаме и серијата „Тома“. Сценаристот и режисер Зоран Лисинац беше подготвен да зборува за деталите.
Тој изјави дека серијата ќе биде различна од филмот.
- Серијата има 8 епизоди, опфаќајќи ги сите сопруги на Тома. Го следи неговиот живот многу потемелно, и ќе има вкупно 400 минути материјал низ кој ќе биде прикажан Тома. Преносот ќе започне кон средината на есента - изјави Лисинац.
Дури и на оние кои го гледале филмот неколку пати, ќе им биде интересно да ја следат серијата, бидејќи додека кино хитот беше дело на Драган Бјелогрлиќ, серијата е во рацете на Зоран Лисинац.
