Само два месеци откако му беше обновен профилот, Твитер повторно го суспендираше Канје Вест. Раперот, пишува Reuters, повторно ги прекршил правилата на однесување на оваа социјална мрежа.
Новиот сопственик на Твитер, Илон Маск, кој себеси се нарекува апсолутист кога е во прашање слободата на говорот, го поздрави враќањето на профилот на раперот во октомври оваа година.
- Дадов сè од себе, но и покрај ова тој повторно го прекрши нашето правило за забрана на поттикнување насилство. Неговиот профил ќе биде суспендиран - изјави Илон.
Во четвртокот, на 1 декември, Канје веќе беше баниран за една објава во текот на денот. Профилот беше суспендиран еден час откако Маск му одговори на корисник на Твитер кој му рече:
- Илон поправете го Канје ве молам.
Странските медиуми побараа коментар од Твитер на оваа тема, но се уште нема одговор.
Инаку, Твитер го врати профилот на раперот непосредно пред Маск да ја преземе социјалната мрежа, која ја плати 44 милијарди долари. Најбогатиот човек на светот тогаш објасни дека нема никаква врска со враќањето на сметката на познатиот рапер.