Истрагата на ФБИ покажала дека Алек Болдвин го повлекол чкрапалото на пиштолот што уби снимателка на сетот на филмот „Rust“.
Болдвин случајно ја застрела Халина Хачинс за време на снимањето на филмот во октомври 2021 година, но тврдеше дека тој всушност не го повлекол чкрапалото. Сепак, новата форензичка истрага на ФБИ вели дека не можело да бидат испукани куршуми од оружјето без физички да се повлече чкрапалото, пишува Sky News.
„Пиштолот не можеше да пука без да го повлече чкрапалото“, се вели во извештајот
„Начинот на смрт е несреќа“
Police interview footage shows the moment Alec Baldwin put his hand over his mouth and sat in silence after being told Halyna Hutchins had died after being shot on the set of Rust.
Read more: https://t.co/eFt5dOtD1l pic.twitter.com/WfwF3VZlCo
— Sky News (@SkyNews) April 27, 2022
Во извештајот смртта на снимателката е окарактеризирана како „несреќен случај“.
„Смртта настапила од прострелна рана во градниот кош. Прегледот на достапните извештаи за спроведување на законот не покажа убедливи докази дека огненото оружје намерно било наполнето со муниција во моментот на пукањето“, се вели во извештајот.
„Врз основа на сите достапни информации, вклучително и отсуството на очигледна намера да се предизвика повреда или смрт, начинот на смрт најдобро се класифицира како несреќа“, се заклучува.
Актерот, кој беше и продуцент на филмот, претходно изјави дека не го повлекол чкрапалото и дека нема поим како вистинскиот куршум завршил на снимањето. Властите исто така ги обвинија продуцентите на филмот дека не ги почитувале безбедносните протоколи и ги казниле со 136.793 долари.
