Европската радиодифузна унија (ЕБУ) во своето официјално соопштение објасни дека следната година Евровизија, и покрај победата на Украина, ќе се одржи во Велика Британија.
После тоа се огласи и украинскиот министер за култура Александар Ткаченко кој рече дека оваа земја ги исполнува сите услови за одржување на следната Евровизија.
„Украина не се согласува со оваа одлука. Немавме можност да разговараме за други опции. Сметаме дека имаме причини зошто треба да ги продолжиме преговорите за да дојдеме до решение кое ќе ги задоволи двете страни“, напиша Ткаченко на Твитер.
Тој понатаму додаде дека Украина е победник на овогодинешниот Евросонг и дека ги исполнува сите услови за одржување на следниот Евросонг и дека ги исполнува сите безбедносни стандарди и има неколку сали каде би можело да се одржи натпреварот.
„Одржувањето на Евровизија во 2023 година во Украина би било јасен знак дека светот нè поддржува. Ќе бараме промена на одлуката, бидејќи веруваме дека можеме да ги исполниме сите услови и тоа неколку пати го потенциравме до Европската радиодифузна унија. " тој додаде.
I’m convinced Ukraine has all the rights and possibilities to host #Eurovision-2023 in our country. pic.twitter.com/XnJe3JieIj
— Tkachenko Oleksandr (@otkachenkoua) June 17, 2022
