Фотографите го забележале како оди кон својот автомобил пред продавница во Лос Анџелес, со картонска кутија во раката.
Носел маска за лице, очила за сонце и капа, а на раката не носел бурма.
Минатата недела Џејсон и Лиза преку заедничка порака на Инстаграм објавија дека се разведуваат.
„Ова не го споделуваме затоа што мислиме дека вреди да се објави во вести, туку за да можеме достоинствено и искрено да го продолжиме животот“, рекоа тогаш.
Тие се запознале во џез-клуб во 2005 година, долго пред Момоа да се прослави со улогата на Кала Дрога во „Игра на тронови“. Лиза стана позната како Дениз Хакстабл во хит-серијата од 1980-тите The Cosby Show, и е 12 години постара од Џејсон.
Тие го добија своето прво дете, ќерката Лола, во 2007 година. Една година подоцна се роди нивниот син Накоа-Волф. Џејсон помогна во одгледувањето на ќерката на Лиза, актерката Зои Кравиц, од нејзиниот претходен брак со Лени Кравиц.