Едно правило кое не е прекршено во нивниот дом е забраната за користење телевизор и мобилни телефони за време на оброците.
Зборувајќи со Рути Роџерс на нејзиниот подкаст за Ruthie's Table 4, Дејвид откри како оброците во нивното семејство имаат посебно значење.
„Оброците се свети. Нема телефони на масата. Нема вклучен телевизор во позадина. Се работи за разговор, поврзување и слушање. Време е да се одделиме од нашите забрзани животи и да се слушаме“, објасни Дејвид.
За време на пандемијата, семејството се зближуваше со три оброци на ден. „Разговаравме за сѐ – историја, смешни приказни, светот и храната е дел од таа врска“.
Елтон Џон често изразува колку му се важни неговите синови. За време на гостувањето во шоуто на Елен Деџенерис, тој ги опиша како „најголемото богатство“.
„Да ми кажеше некој пред десет години дека ќе седам овде, ќе се омажам за човекот што го сакам и ќе имам две прекрасни деца, ќе кажев „Си ми ставила нешто во пијалокот“, низ насмевка изјавил Елтон.
Захари, роден на Божиќ 2010 година, е огромен фудбалски навивач и често може да се види како присуствува на натпреварите на неговиот омилен клуб, Ватфорд ФК, со својот татко. Илија, роден во јануари 2013 година, ја споделува страста на неговиот брат за спортот. За време на Европското првенство во 2020 година, Елтон сподели фотографија од него и неговите синови како ја бодрат репрезентацијата на Англија, покажувајќи колку уживаат во времето заедно.
© Vecer.mk, правата за текстот се на редакцијата
