Соединетите Американски Држави стануваат засолниште за членовите на различни кралски семејства кои се чувствуваат отфрлено. Откако британскиот принц Хари се пресели во САД со сопругата Меган и синот Арчи и таму ја доби ќерката Лилибет, сега данскиот принц Јоаким се подготвува да го стори истото со сопругата Мари и нивните две деца Атина и Хенрик.
Но, за разлика од Сасекси, кои заработија милиони од договорите со дигиталните стримери Нетфликс и Спотифај, интервјуата за тешкиот живот на дворот и пишувањето откривачки автобиографии, данскиот принц нема намера да биде славна личност со титула, туку ќе работи во војската, тоа е одбранбената индустрија.
Сите пред еден месец видоа дека тој и неговата сопруга Мари, како и неговата поранешна сопруга Александра, не ја прифатија баш најдобро одлуката на кралицата Маргрете Втора, дека нивните деца остануваат без нивните кралски титули од 1 јануари 2023 година.
Сите изјавија дека се „тажни и шокирани“, „несреќни“ и „не разбираат“. Децата ќе добијат пониски, грофови титули, иако ќе останат на своите места во редот за наследување на данскиот трон.
Четирите внуци на кралицата, чиј татко е престолонаследникот, принцот Фредерик, ќе ги задржат своите титули, но кога ќе станат полнолетни, само најстариот принц Кристијан, кој е следен во редот на наследството, ќе ја добие апанажата.
[caption id="attachment_1145555" align="alignnone" width="1920"]
Престолонаследникот Фредерик со сопругата Мери и децата Кристијан, Изабела, Винсент и Џозефина[/caption]
Следбениците на настаните од кралските дворови беа зачудени од интензитетот на реакциите што ги предизвика оваа одлука.
Сепак, владетелката, кој годинава одбележува половина век на тронот, тоа долго време го планираше и никогаш не се поколеба.
Меѓутоа, во својата изјава, која беше објавена и на официјалниот профил на кралското семејство на Инстаграм, таа објасни што направила и му се извини на семејството.
- Изминативе денови имаше силни реакции за мојата одлука за идна употреба на титули за четирите деца на принцот Јоаким. Се разбира, тоа влијае на мене. Со моите 50 години на тронот, природно е да гледам назад, но и напред. Моја должност и желба како кралица е да се погрижам монархијата да се прилагоди на времето. Ова понекогаш бара тешки одлуки, а наоѓањето на вистинското време е секогаш проблематично. Носењето на кралската титула повлекува бројни обврски и задачи, кои во иднина ќе им попречат на помалку членови на кралското семејство – напишала кралицата, која, инаку, многу ја сакаат Данците.
Поточно, според различни анкети, кралицата Маргрета е една од најпопуларните крунисани глави во светот, а во нејзината земја ја поддржуваат 80 отсто од населението.
[caption id="attachment_1145556" align="alignnone" width="1920"]
Данската кралица Маргрете II.[/caption]
- Ова прилагодување, кое го гледам како неопходно осигурување за иднината на монархијата, сакам да го направам сега. Се одлучив како кралица, мајка и баба, но како мајка и баба го потценив она што го чувствува мојот помал син и неговото семејство. Ова остава тежок впечаток и жал ми е поради тоа. Никој не треба да се сомнева дека моите деца, снаи и внуци се моја голема радост и гордост. Се надевам дека како семејство сами ќе најдеме мир во оваа ситуација – изјавила кралицата.
Намалувањето на трошоците за круната, со намалување на бројот на оние кои работат за неа и добиваат пари од неа, изгледа како логичен потег и Данска не е првата земја во која се случува тоа.
Но, со оваа приказна има и прилично грдо озборување - на овој начин, кралицата сака уште еднаш да го казни својот помлад син, кој со години е вљубен во сопругата на неговиот брат, принцезата Мери и поради ова, односите меѓу браќата и во целото семејство се тешко нарушени.
[caption id="attachment_1145557" align="alignnone" width="1920"]
Принцот Фредерик со сопругата Мери[/caption]
Тоа е долгогодишна тема на различни таблоиди. Се пишуваше, на пример, како на гала вечера во 2007 година Јоаким се опил и се обидел да ја бакне Мери, на што таа збунето реагирала.
Сето тоа го забележале останатите членови на семејството, настанал голем конфликт меѓу браќата, а последиците се чувствуваат до ден денес. Дури се пишувало дека во својот занес Јоаким нашол (втора) сопруга со слично име на Мари, која исто така физички наликува на неговата снаа.
Двајцата имаат две малолетни деца - десетгодишната принцеза Атина и 13-годишниот принц Хенрик, кој сигурно ќе ги придружуваат до САД.
Двата сина, кои повеќе нема да бидат принцови, се од првиот брак на Јоаким со принцезата Александра и најверојатно ќе останат во татковината.
Николај (23) е студент по економија и повремен модел, додека 20-годишниот Феликс минатата година бил примен на воената академија, а се обидел и во манекенството.
[caption id="attachment_1145558" align="alignnone" width="1920"]
Принцот Феликс, принцезата Мари, принцот Јоаким со сопругата Мари и децата, синовите Феликс, Атина, Хенрик и Николај[/caption]
Јоаким, кој завршил воени училишта во Данска и Франција, и Мари, моментално живеат во Париз, каде што е воено аташе во данската амбасада.
Со оглед на тоа дека мандатот му истекува во јуни 2023 година, најверојатно потоа ќе заминат во Вашингтон.
Засега нема детали за високото работно место во „одбранбената индустрија“.
