Алка Вуица периодов ја промовира новата песна со наслов „Луѓакиња“ за која вели дека е најава за новиот студиски материјал што треба да излезе на есен. Вели, има многу планови кога е работата во прашање, но сето нејзино внимание сега е насочено кон албумот.
Во разговорот за Вечер.мк, Вуица вели дека освен на албумот, работи и на финиширање на новата збирка поезија.
- На есен може да го очекувате мојот нов албум со 10 нови песни и затоа периодов сум фокусирана на работата на него. Едвај чекам да биде се готово, вели Алка и додава дека можеби токму новиот материјал ќе биде повод за дружба со македонската публика со која, вели, долго не се видела.
- Навистина долго, долго не сум била во Маедонија и се зажелев да дојдам затоа што ја сакам вашата земја и секогаш се радувам на патувањата кај вас. А ми се чини дека не сум била, па сигурно има 7-8 години. Прва асоцијација на Македонија ми се прекрасните пријатели како што е Калиопи, Влатко Стефановски... Добрата храна, добрата забава, прекрасната земја со топло срце која навистина многу ја сакам и едвај чекам повторно да дојдам, вели Алка и додава оти е среќна што се гледа крајот на ова зло кое не спречи нормално да живееме во изминатата година и половина.
Инаку, интересно е дека темата „Луѓакиња“ („Luđakinja“) е соработка со Марија Мирковиќ, некогашната членка на бендот Фрајле, која по заминувањето од составот реши максимално да и се посвети на авторската работа.
- Таа е вистинска женска химна. Тоа е песна која ќе остане и долго ќе се слуша. Со Марија како композитор сум соработувала и порано, но ова е нешто сосема поинакво од она што сме го правеле, прилично е кантавторски и лично. Мило ми е што токму оваа тема е одбрана за прв сингл“, рече Алка по пуштањето на песната во етерот.
[embed]https://www.youtube.com/watch?v=0JMsg2900Gs[/embed]