Пејачот Аца Лукас денеска во текот на денот итно бил примен во Ургентниот центар во Белград.
Како што објавија српските медиуми пејачот останал да лежи во болница за да ги направи сите дополнителни прегледи во врска со неговото здравје.
Првото упатство што го добил за преглед било за гастроентеролог, но деталите за неговата дијагноза се уште не се познати.
- Точно е дека Аца Лукас заврши во болница. Се чувствувал уморен и слаб, но направиле детални прегледи. Само ќе ви кажам дека се префорсирал, бидејќи претходните денови и недели работеше многу... Му дадоа витамински коктел - рече Саша Мирковиќ, менаџер на пејачот.
За потсетување, Аца Лукас пред неколку дена зборуваше за медиумите и рече дека ќе биде учесник на Беовизија и дека верува дека тој е единствениот кандидат кој може да ја претставува Србија на Евровизија.