Барбара Прави  која ја претставуваше Франција на овогодинашната Евровизија, откри досега непознати детали за нејзиниот дедо Петар Пјевиќ, кој има српско потекло.

Барбара рече дека таа со себе секогаш носи парче хартија. Таму, нејзиниот дедо Петар Пјевиќ, детално, преку целата страница, и го објаснил потеклото на семејното презиме, „за да секогаш се сеќава што судбината и наменила“

“Ах, дедо ми Петар! Го сакам многу. Сите го викаме дедо. Ми значи многу”, рече Барбара Прави во интервју за “Новости”.

На прашањето дали ја научил да пее нешто на српски јазик, таа одговори:

„Секако! Се сетив на песната” Ринге ринге Раја, дошол чика Паја“. Ја пеев цело време кога бев мала, благодарение на мојот дедо. Тој е од Белград, а подоцна се преселил во Франција, татко ми Марко е професор по етика, а мајка ми е национален инспектор за образование “.

Сепак, Барбара не зборува српски.

„За жал, не. Освен зборовите на детската песна што ми ги кажа дедо ми, можам да кажам и благодарам, о, јас би сакала да научам”, истакна таа.

Вели дека само еднаш ја посетила Србија.

„Само еднаш, кога имав 12 години. Не се сеќавам најдобро, тоа беше одамна. Отидовме со автомобил од југот на Франција и тоа беше вистинска авантура. Но, јас би сакала да одам повторно. да ја посетам Србија веднаш штом ќе се отворат границите“,вели Барбара.

Барбара Прави го освои второто место на годинашната Евровизија.