Ѕвездата на Ливерпул, Мохамед Салах има позитивен тест на КОВИД-19, неколку дена откако на Интернет се појавија снимки на кои тој се наоѓа на веселба – свадба на неговиот брат во родниот Египет.

Ова го потврди Египетската фудбалска федерација на Твитер преку кратка порака во која додаваат дека тој не страда од ниту еден симптом. Следниот меч на Ливерпул е дуелот против Лестер на 21 ноември и би требало дотогаш тој да биде подготвен за игра.

28-годишниот Салах имаше позитивен тест само неколку дена откако присуствуваше на свадбата на неговиот брат Наср во Каиро, заедно со фудбалерот на Астон вила, Махмуд Трезеге.