Вчера албанските сепаристи во Приштина на брутален и насилен начин го нападнаа нашиот народ на Северот на Косово и Метохија. Горд сум на граѓаните на Косовска Митровица кои со голи раце мирно се бранеа, изјави Марко Ѓуриќ.

Тој вели дека е “ноторна лага” дека косовските власти не биле известени за неговото доаѓање.

– Кога видоа дека почнавме да разговараме на слободен начин, испратија вооружена терористичка банда – и додава:

– Се обидуваа да ме понижат, ми ја набиваа главата во колена, правеа селфи со мене, цело време држеа калашников вперен во мене, ми претеа со нож, пееја Алах Акбар. Ме изнесоа од транспортерот, ме водеа по улиците на Приштина и ме ставија во подрум.