Неодамна, француските медиуми објавија дека легендарниот возач на Формула 1, Михаел Шумахер бил свесен и дека терапијата со матични клетки во Париз има позитивен резултат.

Порталот 24sata.hr, ја пренесува приказната за истакнатиот хрватски неврохирург Дарко Куди, кој бил контактиран за да му помогне на славниот возач.

„Немаше директен контакт со семејството, но се слушнав со портпаролката на Шумахер. Слушнаа за мојата работа, не е тајна, тие методи беа воведени пред неколку години, бевме во Њујорк, целиот свет знае за нив. Не отидов да го погледнам Шумахер на крајот, не знам како е тој. Сè што слушнав, слушнав од медиумите. Јас навистина не сакам да шпекулирам, сè што знам е дека тие се определија за друга опција“, рече хрватскиот лекар.

Идејата на лекарот од Хрватска била да му помогне на Шумахер со микрочипови.

Сепак, кога станува збор за Шумахер, тој нема добра прогноза.

„Да речеме само дека шансите за закрепнување по шест години вегетација се минимални. Нешто требаше да се стори во првата година по несреќата, вака … Тешко“, вели познатиот неврохирург.

извор: Makfax