Во Хрватска наскоро ќе почне третман на пациенти со Ковид-19 со крвна плазма од лица кои го прележале вирусот, пишува „Вечерњи лист“.

Следната недела ќе започне собирањето крв од волонтери кои биле излечени од коронавирусот и исполнуваат одредени критериуми слични на оние за редовно доброволно дарување на крв.

„Ние сме подготвени и се надевам деќа ќе започнеме некаде на 15 јули, а донаторите мора да имаат потврден негативен тест за Ковид-19 и да се чувствуваат добро и да немаат некои хронични заболувања“, изјави Ирена Јукиќ, директорка на хрватскиот Институт за трансфузиона медицина.

Во Македонија веќе се применува овој третман кај пациенти заболени од коронавирус.

извор: Makfax