Лук Монтањие, кој е францускиот вирусолог, добитник на Нобеловата награда за физиологија и медицина во 2008 година за изолирањето на вирусот на ХИВ, вели дека коронавирусот нема природно потекло и дека е создаден во лабораторија.

Дојдовме до заклучок дека е дојдено до манипулација со овој вирус рече Монтањие

Тој во  интервју за француската телевизија „Си-њуз“( C-News) изјави дека вирусот нема природно потекло, тој е дело на молекуларен биолог.

Не е познато со која цел е тоа направено, Мојата работа е изнесување факти, јас никого не обвинувам и не знам кој тоа го направил и зошто. Можно е да сакале да произведат вакцина против вирусот на ХИВ, потенцира тој.

Франција вчера, преку кабинетот на претседателот Емануел Макрон, соопшти дека засега нема докази за поврзаност меѓу новиот коронавирус и работата на истражувачката лабораторија П4 во кинескиот град Вухан.

Сакаме да разјасниме дека до денеска нема докази што би ги поткрепиле информациите што неодамна беа објавени во печатот во САД, а кои го поврзуваат потеклото на Ковид-19 со работата на лабораторијата П4 во Вухан, Кина, соопшти кабинетот на францускиот претседател.