Главниот американски епидемиолог Ентони Фаучи изјави дека се противи на рано одобрување на вакцина против коронавирусот.

Тој посочи дека вакцината не смее да се одобрува пред да се докаже дека е безбедна и ефикасна.

Фаучи го изјави тоа откако два извори открија за „Си-ен-ен“ дека Белата куќа ја разгледува можноста за рано одобрување за итна употреба на вакцината, пред да завршат последните тестови.

Во меѓувреме, Микаел Капуто од Министерството за здравство негираше дека САД прават големи напори да го забрзаат развојот на вакцината од политички причини.

„Едно нешто што не сакате да се случи е вакцината да биде одобрена пред да знаете колку е ефикасна“, рече Фаучи за „Ројтерс“.

извор: Makfax