x

УШТЕ ПРОБЛЕМИ: Дефинитивно без Барди против Грузија

bardi-so-ermenija

Уште не тргнати, големи проблеми. Македонскиот национален тим остана без двајца репрезентативци Кире Ристевски и Крсте Велкоски кои поради позитивни тестови на КОВИД-19 остануваат во Скопје. А во Тбилиси нема да патува играчот од средниот ред Енис Барди.

По последниот лекарски преглед утринава и дефинитивно е констатирано дека Барди не може да игра затоа што има дискус-хернија. Се повреди на вчерашниот тренинг кога при шутирање на топка почувствува болки и не можеше да се движи нормално.

Тој во текот на денот ќе биде хоспитализиран во болницата „Систина“. Не му завидуваме на селекторот Игор Ангеловски кој е во големи проблеми со играчкиот кадар пред историскиот натпревар со Грузија во Тбилиси.

sportmedia.mk

© Vecer.mk, правата за текстот се на редакцијата