Колку Бугари има надвор од државата, во светот? Во Канада и Австралија има повеќе Македонци отколку Бугари, и тоа според званичните податоци на двете држави, па и тука треба да се бара една од причините зошто бугарската политика денес така тврдо и без понудени докази сака да протурка меѓународно признавање на Македонците дека имаат бугарски корени кои, Македонци, потоа, многу бргу би биле бороени како Бугари во диајспората и надвор од Бугарија.

Министерството за надворешни работи на Бугарија на 31 јануари 2019 година испратило одговор до редакцијата на интернет страницата www/eurochicago/com со посочен број на луѓе кои ја напуштиле државата, потпишано од Елена Шекерлетова, секретар во министерството.

Според одговорот, најмногу Бугари има во Германија – 416 илјади, но во останатите бројот не е прецизно наведен.

Така на пример во Франција бројката е 60-80 илјади, Австралија 10-15 илјади (Македонци во Австралија има анд 100.000), Нов Зеланд 3-5 илјади. За САД – 300 илјади, за Грција, исто така, 300 илјади, за Канада 70 илјади, за Шпанија, 250 илјади, за Велика Британија 200 илјади, за Италија 120 илјади.

Ако се споредат бројките со оние од пред седум години (според МНР) ќе се види дека во 2011 година бројот на бугарски граѓани во Германија бил 74.869, а сега таа бројка е над 400 илјади и тоа е многу повеќе отколку во САД, Грција и Шпанија.

Во 2011 година во Велика Британија имало 100 илјади бугарски граѓани, во Франција 30 илјади, во Турција 500 илјади. Бројот на бугарски граѓани кои се отселиле во изминатите седум години во Британија е за 100 илјади, за Франција 30-50 илјади, за Турција намален за 150.000.

Податоците за САД, Грција и за Шпанија се истите како и сега. Вкупниот број на Бугари во светот, според податоците од 2011 година, бил 2.018.792 и ако сега се споредат, постои зголемување за 400 илјади за седум години – на над 2 милиона и 417 илјади бугарски граѓани надвор од Бугарија во 2019 година, наведува чикашката интернет страница.

Денес, во државата Бугарија, има околу 7 милиони жители кои, секако, не се сите етнички Бугари. Според нивните податоци надвор од државата се скоро 30% од Бугарите, најмногу и најбрзо се ислеувале по влезот на Бугарија во ЕУ.