Тоше му се врати на кик-боксот
Ако за момент им се препуштиме на предвидувњата на астролозите за Тоше, за оваа година, тој би требало да оствари уште поголеми успеси на сцената, да освои нови женски срца и да им се врати на некои од старите, по малку запоставени, навики. Астролозите велат дека ќе ги заврши испитите на Музичката Академија и ќе ги обнови спортските навики. За ова второво сме повеќе од сигурни. Тоше, деновиве, активно тренира кик-бокс, се вози со својот џип и ужива во новиот комотен стан. -Имам време за се, а најмногу за пријателите, со кои ми е задоволство да се напијам кафе и да поразговарам, вели ѕвездата. Потрошеното време на кик-боксот многу ме освежува и релаксира, особено кога не снимам. Инаку, тој е во фаза на снимање на новиот албум, кој треба да излезе до јуни и склучување нови договори за концерти и настапи низ Европа и Русија. (Ва.Ѓ.)