Министерството за надворешни работи на Русија реагираше на објавите на турската телевизија YolTV поради лошиот превод на снимката каде шефот на руската дипломатија Сергеј Лавров ја коментира вратоврската на турскиот претседател Реџеп Таип Ердоган.

Лавров му вели на Ердоган дека му се допаѓа неговата вратоврска, а турската телевизија тоа го преведе како: „Те сакам Таип“.

Моментот кога Лавров му се обрати на Ердоган се случи во Москва, за време на официјалната посета на турскиот претседател на Русија.

Ердоган ја посети Москва за да се сретне со рускиот претседател Владимир Путин и да разговара за Идлиб.

извор: Makfax