Почнавме со малечко детенце, завршивме со убава девојка. Ако прв имаше среќа малечкиот Богдан Постолов, кругот од седумдесет добитници го заврши скопјанката Елена Мартиновиќ. Таа живее во скопската населба Козле и деновиве, како секој млад човек, е понесена од новогодишната еуфорија. За најлудата ноќ во годината ќе оди на приватна забава со своите пријатели и, веруваме, убаво ќе си помине. Новата гардероба што ќе ја купи со 8 000 денари, што вчера ги подигна во нашата Редакција, ќе и помогне да биде најубава и највпечатлива. Остатокот од парите Елена ќе ги искористи за празниците што доаѓаат во Новата година. А ние веруваме дека ќе најде добар начин да се заблагодари на оние кои се најзаслужни што си доби награда. А, најзаслужна за нејзнината среќа е мајка и Станче. Иако најчесто весник купува тато Марјан, мама редовно ги собира купоните, го составува името на семејниот дневен весник, го впишува името на својата ќерка, која имаше сре- ќа да си добие пакетче за Нова година. Елена вели дека дома мама и тато редовно го купуваат нашиот весник и со задоволство го читаат. Елена не е многу по весниците, но вели редовно ги разгледува содржините на весникот, особено забавните страници. На семејството Мартиновиќ им посакуваме с&”161; најубаво во Новата година, а за младата и убава Елена имаме милион убави желби. Едноставно: Елена биди среќна!