x

Слован со тешки обвинувања: Фарските острови ги лажираа резултатите од корона-тестовите!

slovan

Челниците на УЕФА сè уште не се решиле како ќе ја решат ситуацијата околу неодиграниот натпревар од првото коло во квалификациите за Лигата на шампионите, меѓу Клаксвик од Фарските острови и Слован од Братислава, Словачка.

Натпреварот беше закажан двапати и двапати беше откажан, бидејќи прво физиотерапевтот, а потоа и двајца членови на екипата од Словачка беа позитивни на тестовите што беа направени во Торшавн.

Поради тоа, локалните власти целата експедиција на Словаците ја ставија под карантин, а на тимот не му беше дозволено да го игра мечот во вторник или сабота. Ситуацијата сега е уште покомплицирана по соопштението на Слован, во кое се вели дека сите играчи и членови на стручниот штаб биле негативни на тестовите што биле направени при нивното враќање од Фарските острови.

Слован го обвини Фараните за фалсификување на резултатите за да не се одигра натпреварот.

„Резултатите покажуваат дека сме биле во право. Властите во Фарските острови намерно не дозволија да се одигра натпреварот. Ние ги испративме резултатите од тестовите до УЕФА, како аргумент да нè заштити од измамата на Фарските острови”, рече директорот на клубот, Иван Кмотрик.

sportmedia.mk

© Vecer.mk, правата за текстот се на редакцијата