На денешната владнина седница министрите ја разгледаа информацијата за запознавање со проблемите и потребите на техничките факултети од Универзитетот „Свети Кирил и Методиј“ (УКИМ) и донесоа одлука да се формира работна група во која ќе членуваат повеќе министерства.

Оваа рабона група ќе треба до 1. октомври да достави информација со конкретни предлози кои ќе се однесуваат за сите државни универзитети како и за дефицитарните струки на пазарот на трудот.

Како што информираат од владината прес-служба, оваа заложба е резултат на средбата на вицепремиерот Кочо Анѓушев, министерот за образование Арбер Адеми и заменик министерката за финансии Ширет Елези со претставници од сите технички факултети при УКИМ.

Во рамките на тој состанок биле разгледувани можности за надминување на недостатокот од висок стручен кадар, за решенија за ниските плати на техничкиот кадар и за подобрување на условите за одржување на предметната настава со соодветна опременост на техничките лаборатории.

 

извор: Makfax