Поранешниот градоначалник на Општина Карпош Стефчо Јакимовски е осомничен за легализација на државно земјиште што било откупено по драстично пониска цена, за МИА изјави шефицата на Обвинителството за организиран криминал Вилма Рускоска.

Според Рускоска станува збор за повреда на Законот за јавни набавки, легализација на времени објекти, што потоа бесправно биле градени, исто така, спротивно на законот поточно злоупотреба на службената положба и овластувања, став 5 во врска со член 45.

Поранешниот градоначалник на Карпош и лидер на партијата ГРОМ, Стевчо Јакимовски и уште две лица вработени во општина Карпош се приедени и изнесени пред судија на претходна постапка, а во истрагата се опфатени уште пет лица, за кои се побарани мерки на претпазливост.

Јакимовски беше приведен и лани во август на барање на финансиската полиција поради сомненија за злоупотреба на службена должност во времето додека бил градоначалник на Карпош.