Гасоводот „Северен тек 2“ би можел да биде завршен и без странски изведувачи, рече рускиот министер за енергија Александар Новак. Тој кажа дека руските компании би можеле да ја завршат работата во наредните неколку месеци.

„Ако компанијата ‘Олсис’ не може да го заврши проектот како што објаснува Министерството за финансии на САД, можеме да го завршиме со наши средства. Ова ќе бара спроведување на дополнителни планови и мислам дека работата ќе биде завршена за неколку месеци“, рече Новак.

Санкциите за гасоводите „Северен тек 2“ и „Турски тек“, вклучувајќи го и воениот буџет за следната година, ги потпиша претседателот на САД, Доналд Трамп, и стапија во сила на 20 декември.

Според Новак, ваквата одлука го одложува спроведувањето на проектот за неколку месеци, а рускиот министер е убеден дека „Северен тек 2“ дефинитивно ќе биде завршен наредната година.

„Проектот ќе трае неколку месеци подолго од планираното. Мислам дека гасоводот дефинитивно ќе биде пуштен во употреба следната година“, рече Новак и додаде дека остануваат да се изградат помалку од 160 километри на гасоводот.

извор: Makfax