Откако премиерот Зоран Заев рече дека ќе побара лидерска средба, а беше  одбиен од лидерот на опозицијата Христијан Мицкоски, се огласи и претседателот на државата. Пендаровски нема намера да свика лидерска средба.

Ова го потврдија од неговиот кабинет за МИА.

-И самиот лидер на ВМРО-ДПМНЕ Христијан Мицкоски во изјавата за медиумите вели дека претседателот на државата не е лидер на политичка партија, а тој бара свикување средба со лидерите на партиите, истакнуваат од Кабинетот на Пендаровски.

Премиерот и претсетадел на СДСМ Зоран Заев денеска најави одржување лидерска средба до крајот на годинава. Рече дека очекува да ја свика шефот на државата Стево Пендаровски, но ако тоа не се случи, тогаш иницијативата ќе ја „потегне“ тој.

Лидерот на ВМРО-ДПМНЕ  Христијан Мицковски, пак, најави дека неговата партија нема да учествува ако лидерската ја организира Пендаровски.

И Заев и Мицковски се согласни  дека на  лидерската средба треба да се разговара за корона кризата, евроинтеграциите и други прашања од интерес на граѓаните