x

Претседателот на најтрофејниот парагвајски клуб доживотно суспендиран

trovato

ФИФА го суспендира доживотно претседателот на најтрофејниот парагвајски клуб Олимпија Марк Тровато поради местење на натпревари во период од 2018 до 2019 година. Тој беше прогласен за виновен и поради тоа што не соработувал со истражните органи на ФИФА, па Дисциплинската комисија одлучи да го суспендира доживотно, а исто така треба да плати и 100.000 швајцарски франци.

ФИФА не објави на кои мечеви Тровато влијаел и како го правел тоа. Информациите од Јужна Америка велат дека истрагите се за сезоните кога Олимпија ја освојувала титулата: Клаусура 2018, Апертура 2018, Клаусура 2019 и Апертура 2019 година.

Тровато исто така е на удар на јавноста поради бизнис врските со обложувачки оператор кој е спонзор на парагвајската лига. Тој може да се жали на одлуката на ФИФА.

Тровато стана член на бордот на директори на Олимпија во 2011 година, а три години подоцна беше избран за претседател откако победи на клупските избори.

Олимпија има 44 шампионски титули во Парагвај, а втор на листата е Серо Портењо со 33, додека трет Либертад со 20 титули.

sportmedia.mk

© Vecer.mk, правата за текстот се на редакцијата