На денешната миса папата Франциск во ги повика политичарите заеднички да се борат против кризата предизвикана од новиот коронавирус.

– Се молиме за политичките партии од различни земји во време на пандемија заеднички да се залагаат за благосостојба на земјата, а не за благосостојба на сопствената партија, истакна папата Франциск.

Во последните шест недели, од избивање на епидемијата во Италија, приватните утрински миси на папата Франциск се пренесуваат во живо на телевизија. На мисата присуствуваа само неколкумина блиски соработници на поглаварот на Римокатоличката црква.