Премиерот на Унгарија, Виктор Орбан, ја поддржа кандидатурата на американскиот претседател Доналд Трамп на претстојните претседателски избори во САД.

Тој рече дека го поддржува Трамп затоа што неговите ривали од Демократската партија во САД наметнале „морален империјализам“ на светот.

„Се надеваме на победа на Доналд Трамп, бидејќи добро ја познаваме дипломатијата на американските демократски власти, која е изградена врз моралниот империјализам“, истакна Орбан.

Орбан додаде дека Унгарија претходно ги проценила демократските власти во Соединетите држави и дека не сака да се повтори нивното владеење.

извор: Makfax