Враќањето на обврските на државата кон стопанството по основ на поврат на ДДВ и исплата на договорни работи оди одлично и државата ќе го испочитува рокот да ги сведе на нула тие до крајот на месецов.
– Враќањето на долгот кон стопанството е сведено под 10 милиони евра, што значи во изминатите пет месеци имаме исплатено над 82 милиони евра кон стопанството. Фирмите тоа го чувствуваат. Ликвидноста е подобрена и сметам дека целосно ќе го испочитуваме рокот што е даден до крајот на месецов – изјави вицепремиерот и министер за финансии Зоран Ставрески.

Владината мерка почна во септември минатата година, со цел подобрување на ликвидноста на фирмите. На средината на септември, кога почна акцијата на отплата, обврските по основ на поврат на ДДВ и исплата на договорни работи изнесуваа 92 милиони евра.