Специјалната набљудувачка мисија на Организацијата за безбедност и соработка во Европа (ОБСЕ СММ) нема регистрирано промени во целокупната безбедносна ситуација по експлозиите во Донецк, објави мисијата во понеделникот, пренесува ТАСС.

Според мисијата, двајца членови на СММ кои стоеле пред својата канцеларија слушнале најмалку две експлозии на приближно 100-150 метри од нив.

„Другиот персонал на СММ беше во резиденцијата. Никој не беше повреден. СММ не забележа значителни промени во општата безбедносна ситуација во градот”, објави мисијата.

Според Мисијата на самопрогласената Донетска народна република (ДПР) во Заедничкиот центар за контрола и координација (ЗКЦЦ), три импровизирани експлозивни направи експлодирале во централниот дел на Донецк.

Никој не беше повреден во инцидентот. Според ЗКЦЦ. која работи на местото на настанот, оштетени се покривот на локалната станица за дистрибуција на гас и една зграда.

извор: Makfax