Пакистанските власти воведоа нов закон за силување по протестите поради групното силување на жена која се возела со своите деца.

Инцидентот се случил кога автомобилот на жената снемал гориво.

Законот предвидува формирање специјализирани судови кои за силување ќе судат во рок од четири месеци, воспоставување на национален регистар на сексуални престапници и медицински прегледи во рок од шест часа по поднесувањето на жалбата, пишува Си-ен-ен.

Пратениците размислуваа да воведат и јавни бесења за осудените за сексуална злоупотреба и убиство на деца, но премиерот го одби предлогот во септември, нагласувајќи дека со тоа земјата може да ги загуби повластувањата во трговските односи со Европската унија.

Наместо тоа, ќе се предложи хемиска кастрација на осудените во најбруталните случаи на силување.

Податоците на пакистанската организација „Војна против силувањето“ покажуваат дека во Пакистан, помалку од 3 проценти од случаите на сексуално злоставување или силување резултираат со пресуда.

извор: Makfax