Новите 24 фолк мелодии вечерва ќе го заокружат репертоарот на фестивалот “Роса”, кој ќе се одржи во Универзална сала. Директен пренос на оваа ревијална манифестација од 20:30 часот ќе има на Канал 5. Програмата ќе ја води Сузана Турунџиева, а неа ќе ја сочинуваат песните: “Нема да се сменам” – Фаворити, “Среќна сум” – Живанка Ристова, “Ти знаеш ли” – Благојче Станковски, “Розово е се” – “Цик цак”, “Не дај Боже” – Даниела Темелковска, “Само ти” – Маријан Коцев, “Верувај во мене” – Џени, “Дојди моме убаво” – Петар Нечовски, “Не е среќата во злато” – Јасмина Гуњова, “Знам” – “Индекси”, “Кој што не бил не знае” – Оливер Додев, “Песна само за нас” – Билјана и Боро Димови и групата “Мелос”, “Не е злато се што сјае” – Гоце Пејковски, “На среќа ќе те посетам” – Милица Кузмановска и Миле Кузмановски, “Животот го сакам” – Мишко Крстевски, “Недопирлива” – Татјана Лазаревска, “Некому рози, некому солзи” – Ибуш Ибраимовски, “Огнена жена” – Елена Велевска, “Љубовта е најскапа” – Зуица Лазова и “Хармонија”, “За еден живот” – Војо Стојановски, “Горе во рајот” – Есма, “Ете, тоа е љубов” – Наум и Румјана, “Златен споменик” – Благица Калева и група “Модус”, “Со чифте пајтони” – Гоце Арнаудов. На сцената ќе и биде доделена награда за животно дело на Вања Лазаровска, а постхумно вакви награди ќе бидат доделени за Јонче Христовски и Стево Теодосиевски. Манифестацијата е во организација на радио “Роса”. Директор е Александар Димитров, уметнички директор текстописецот Борче Нечовски. (Ва.Ѓ.)