Vecer.mk дознава дека францускиот амбасадор во земјава од утре е во самоизолација, бидејќи вчера беше во контакт со градоначалничката на Битола Наташа Петровска, која е позитивна на Ковид-19.

Тој вчера беше во официјална посета на општината, каде се сретна со Петровска, во придружба на почесниот конзул на Република Франција во Битола Калиопа Кривашија Стилиновиќ.

На средбата со градоначалничката Наташа Петровска, таа го запозна амбасадорот за долгогодишната врска на Битола како конзулски град со Франција, за традицијата, културата и вредностите кои што ден денес се на многу високо ниво.-Го имаме во градот почесниот конзулат, Француската алијанса и одличната соработка со Амбасадата на Република Франција, рече Петровска.

Амбасадорот Сирил Бомгартнер ја истакна неговата отвореност кон Битола за натамошни чекори во тесна соработка со општината и посочи дека амбасадата и натаму ќе продолжи со поддршка за сите настани во областа на културата кои се случуваат во градот. Од своја страна, тој исто така понуди целосна поддршка за развивање на туризмот во сите сегменти од историски аспект, особено за периодот од Првата светска војна.