Во Блед, Словенија се одржува Стратегискиот форум, водечка конференција во Централна и Југоисточна Европа на која што учествуваат и министрите за надворешни и за одбрана Никола Димитров и Радмила Шекеринска.
Потпретседателот на ВМРО-ДПМНЕ, Александар Николоски коментирајќи ги средбите кои двајцата министри ги имаа таму, им постави неколку прашања преку Фејсбук.

Читам за средбите на Радмила Шекеринска и Никола Димитров во Блед. Според нивните соопштенија кратки, според она што го видовме ,,од нога”. Но како и да е добро е што имале средби со повеќе дипломати вклучувајќи го и специјалниот преставник на САД за Балканот Метју Палмер, како и номинираниот за Висок преставник на ЕУ за надворешна политика Жозеп Борел. Во име на отчетноста еве неколку прашања за Шекеринска и Димитров на кои како владини преставници должат одговор пред македонската јавност: Дали Шекеринска кога станало збор за правната држава, ги информираше соговорниците за поклонот чевли од брендот Louboutin дадени од првоосомничениот во случајот Рекет? Кои биле темите на разговор на полноќните сеанси во домот на еден од првоосмничените во случајот Рекет за што и тој самиот се пофали во еден од емитуваните разговори? Дали можеби на тие сеанси се фалела Шекеринска, за според Заев, добиениот датум за преговори уште пред една година, или пак сепак се осврнала стратешки на таа куфер политика?“, напиша Николоски.

Постави прашања и до министерот за надворешни, Димитров.

Димитров би го запрашал дали можеби ги информирал дека во Македонија нема ниту една постапка против висок функционер на власта иако се потопени во криминал и корупција? Дали ги запозна дека тој лично како Министер за надворешни бил информиран за рекетот врз македонски бизнисмени од најмалку еден странски амбасадор но решил за тоа да молчи и нити да ја информира јавноста, нити обвинителството“, го прашува Николоски, Димитров.

Тој бара и одговор на прашањата дали двајцата министри информирале на средбите дека цела јавност говори дека ова не е рекетераска шема на обвинетите, туку дека тие се само извршители и дека не би им дал никој ни денар ако над нив не е целиот врв на СДСМ и власта.

И конечно дали информираа Шекеринска и Димитров дека вкупната сума на изрекетирани средства од бизнисмените е фантастични 20 милиони евра? Додека ги чекаме одговорите, знам и подржувам дека треба низ една транспарентна и независна постапка раветлување на случаите поднесени од СЈО, исто како што треба расветлување и одговорност на сите инволвирани во сите случаи на криминал на власта на Зоран Заев!, додава Николоски.