Десетина млади лица рано изутринава со неколку молотови коктели нападнаа полициска станица во централниот атински кварт Зографу, јавија грчките медиуми. При нападот нема повредени, но се оштетени влезот во станицата и еден полициски автомобил паркиран пред зградата. Денешниот напад следи по неколкуте судири меѓу млади анархисти и полицијата изминативе денови во Атина.