Германската канцеларка Ангела Меркел повика на итен прекин на огнот во Нагорно Карабах, каде што се водат жестоки борби од азербејџанските сили и ерменските сепаратисти

Ангела Меркел имаше одделни телефонски разговори со лидерите на Азербејџан и Ерменија.

„Канцеларката ја потенцираше итноста на итен прекин на огнот и враќање на преговарачката маса“, се вели во соопштението на нејзиниот кабинет.

Жестоките борби меѓу азербејџанските сили и ерменските сепаратисти во Нагорно Карабах продолжија утрово.

Азербејџан започна нова офанзива само неколку часа пред закажаниот итен состанок на Советот за безбедност на ООН.

извор: Makfax