Претседателот на Белорусија, Александар Лукашенко, смета дека коронавирусот е димна завеса зад која глобалните играчи се обидуваат да го прерасподелат светот.

„Коронавирусот е само изговор, завеса зад која глобалните актери се обидуваат да го прерасподелат светот според свое видување“, рече Лукашенко во интервју за претставници на медиумите од Белорусија и околните земји, пренесува БелТА, наведува ТАСС.

Тој додаде дека е јасно дека тие имаат и планови за постсоветскиот простор, вклучително и Белорусија, што, како што оцени, е парадоксалнo.

„Сепак, сметаме дека ова е силен аргумент дека Белорусија успеа како држава, која има политичка тежина и сериозен економски потенцијал“, рече Лукашенко.

извор: Makfax