Кризата поради вирусот корона силно го погоди концернот Сваровски, поради што најавува намалување на работните места во текот  на есента.

Од сегашните 4.600 вработени, Сваровски ќе отпушти 1.000.

Директорот на компанијата, Роберт Бучбауер, рече дека е болно, но одлука без алтернатива. На среден рок, како што беше речено, само околу 3.000 луѓе во Сваровски ќе работат во Ватенс.

Имено, до 2022 година, според „тиролскиот Тагезејтунг“, Сваровски планира да намали уште 600 работни места.

Во понеделникот, 200 вработени добија известување за отпуштање по е-пошта, а тие се вработени во секторот маркетинг и продажба.

Како причина за отказот, Сваровски ја наведе кризата со вирусот корона, која тешко го погоди пазарот на луксузни производи.