Кина ја поздравува изјавата на американскиот претседател Доналд Трамп дека Пекинг треба сам да ја реши кризата во Хонгконг, соопшти кинеското Министерство за надворешни работи.

Претседателот на САД претходно го пофали кинескиот претседател Шји Џјинпинг и истакна дека тој може лично да ја реши ситуацијата во Хонгконг, каде што се одржуваат антивладини демонстрации од јуни.

Десетнеделните судири меѓу полицијата и демонстрантите го втурнаа меѓународниот деловен центар во најтешката криза по преминот на островот од британска во кинеска власт во 1997 година.

извор: Makfax