Ирак негира дека извршил ракетен напад на меѓународниот аеродром во Багдад, пренесува „Спутник“.

„Неколку медиуми објавија пад на ракета „катјуша“ во близина на терминалот на меѓународниот аеродром во Багдад. Ние целосно ја демантираме оваа вест, а Командата за операции во Багдад не наведе никакви ракетни напади до 00:50 часот и ги повикуваме медиумите да бидат точни и да преземаат информации исклучиво од безбедносната медиумска ќелија“, соопштија од канцеларијата на ирачкиот премиер Мустафа Ал-Каземи.

Изјавата следи по извештајот на телевизијата „Ал Сумарија“ во кој се цитираше извор за безбедност кој тврди дека ракета паднала во близина на меѓународниот аеродром во Багдад без да предизвика експлозија или жртви.

Претходно „Ал Сумарија“ објави дека американскиот систем на противвоздушна одбрана во неделата успеал да одврати ракетен напад насочен кон американската амбасада. Според извештајот, ракетата слетала на станбена зграда во близина на амбасадата при што повредено е едно дете.

Инцидентот го потврдија безбедносните медиуми, кои тврдат дека ирачките безбедносни сили биле во можност да спречат уште еден напад во областа Ум ал Азам.

„Запознаени сме со извештаите за пад на ракета во Меѓународната зона. Ирачките безбедносни служби ја водат истрагата“, рече портпаролот на американскиот Стејт департмент за „Спутник “.

Американскиот Системот за воздушна одбрана „Патриот“ претходно беше тестиран од страна на американските сили во „зелената зона“ на Багдад, која е домаќин на владините згради на земјата и меѓународните амбасади, вклучително и американската. Тестирањето беше осудено од некои ирачки пратеници како „провокација“ и „кршење на меѓународното право“.

извор: Makfax