Канцелариите на Министерството за животна средина, лоцирани во зградата на поранешна Комерцијална банка се целосно изгорени во пожарот кој започна рано изутринава, дознава Алсат.

Најкритичен е првиот кат каде што се наоѓа и Државниот инспекторат за животна средина, чии канцеларии исто така се зафатени од пожарот. Огнената стихија во зградата во којашто е сместен и Секретаријатот за европски прашања почнува да се шири и кон вториот кат.

Од Секретаријатот информираат дека нивните канцеларии, лоцирани на 4 и 5 кат, не се зафатени од огнот.

Пожарникарите се обидуваат пожарот да го стават под контрола.