Околу 140.000 Британци ја примија вакцината на „Фајзер-Бајонтек“ во првата недела од вакцинацијата, соопшти денеска државната служба задолжена за спроведување на вакцинацијата.

„Одличен почеток на програмата за вакцинација. За седум дена вакцината ја примиле 108.000 лица во Англија, 7.897 во Велс, 4.000 во Северна Ирска и 18.000 во Шкотска – вкупно 137.897. Овој број ќе биде уште поголем кога ќе воспоставиме мрежа со стотици нови места за вакцинација“, рече Надим Захави, државен потсекретар за спроведување на програмите за вакцинација во Велика Британија, објави „Ројтерс“.

извор: Makfax