Со пуштањето во употреба на ски-лифтот на скијачката патека Пољице започна скијачката сезона во ски-центарот Јахорина, во Босна и Херцеговина.

Скијањето на Јахорина во наредните денови ќе биде можно благодарение на комбинацијата на природен и вештачки снег, а според метеоролошките прогнози ќе има сè повеќе природен снег.

Гостите се очекува да ја посетат Јахорина во деновите што следуваат до крајот на работната недела, а повеќе скијачи и гости ќе има овој викенд кога Брајан Фери ќе одржи концерт.

Минатата недела во Јахорина беше пуштена во употреба гондолата именувана по Емир Кустурица, како и една од скијачките патеки која доби име по Новак Ѓоковиќ.

извор: Makfax